Um ProLan
Náttúrulegur grunnur.
Þróað fyrir krefjandi aðstæður.
ProLan er fjölhæf vörulína fyrir vernd, smurningu og viðhald. Vörurnar byggja á lanólíni og eru þróaðar til að verja málma, vélar, tæki og búnað við fjölbreyttar og krefjandi aðstæður.
Hvað er ProLan?
ProLan er vörulína sem byggir á lanólíni - náttúrulegri ullarolíu sem sauðfé myndar til að verja ullina gegn raka og veðri.
Hjá ProLan á Nýja-Sjálandi er lanólínið unnið og blandað í mismunandi samsetningar sem gefa vörunum ólíka seigju, smygni og eiginleika. Þannig fæst fjölhæf vörulína fyrir allt frá almennu viðhaldi og smurningu yfir í sérhæfða og langvarandi tæringarvörn.
ProLan er meðal annars notað, eftir vörutegund, til að:
-
verja málma, vélar og búnað gegn raka, salti og tæringu
-
verja undirvagna, vinnuvélar og búnað við krefjandi aðstæður
-
smyrja vélar, tæki, lamir, festingar og hreyfanlega hluti
-
losa fasta bolta, rær, lamir og aðra fasta hluti
-
verja rafmagnstengingar, raflagnir og rafbúnað gegn raka og tæringu
-
verja rafgeymaskauta og málmtengingar
-
smjúga inn í samskeyti, holrými og önnur viðkvæm svæði
-
verja bolta, rær, skrúfgengi og festingar gegn tæringu og föstum samskeytum
-
draga úr hættu á núningsfestingu í skrúfgengjum með viðeigandi ProLan Grease
-
smyrja pinna, fóðringar og hægfara legur
-
verja keðjur og vírreipi
-
nota við borun, skurð og aðra málmvinnslu
-
nota sem suðuslettuvörn
-
verja vélar, varahluti og búnað í geymslu eða flutningi
-
verja búnað í sjávar-, salt-, áburðar- og öðru tærandi umhverfi
-
verja báta, bátsvélar og holrými í málmskrokkum
-
smyrja og verja ákveðnar gúmmíþéttingar og samsetningarhluta
-
nota á timbur og viðaryfirborð með viðeigandi ProLan-vörum
-
nota við ákveðin matvæla- og drykkjarvatnstengd verkefni þar sem viðkomandi vara hefur tilskildar vottanir
Mismunandi ProLan-vörur eru þróaðar fyrir mismunandi verkefni - allt frá mikilli smygni og almennri smurningu yfir í anti-seize, rafmagnsvörn og langvarandi tæringarvörn við mjög krefjandi aðstæður.
Kraftur lanólíns
Náttúruleg vörn frá náttúrunnar hendi.
Lanólín er náttúruleg ullarolía sem hjálpar til við að verja ull sauðfjár gegn raka og veðri. Þessir eiginleikar gera lanólín að öflugum grunni fyrir vörur sem ætlaðar eru til verndar, smurningar og viðhalds.
Í ProLan eru eiginleikar lanólíns nýttir og þróaðir áfram með mismunandi samsetningum fyrir málma, vélar, tæki og búnað.
Hrindir frá sér raka
Lanólín hrindir frá sér raka og hjálpar þannig til við að breyta umhverfinu við málmyfirborðið. Með því verða aðstæður síður hagstæðar fyrir tæringu.
Loðir vel við yfirborðið
ProLan myndar sveigjanlegt varnarlag sem loðir vel við málmyfirborðið og hjálpar til við að halda vörninni þar sem hennar er þörf.
Smýgur inn á viðkvæm svæði
Mismunandi ProLan-vörur hafa mismikla smygni og geta náð inn í ójöfnur, samskeyti, holrými og önnur svæði þar sem raki og salt geta safnast fyrir.
Sveigjanleg og langvarandi vörn
ProLan myndar ekki hart málningarlag sem auðveldlega springur eða flagnar. Vörnin helst sveigjanleg og er hönnuð til að fylgja yfirborðinu við hreyfingu og breytilegar aðstæður.
Saga ProLan
Frá náttúrulegri hugmynd til alþjóðlegrar vörulínu.
ProLan á rætur sínar að rekja til Nýja-Sjálands, þar sem vörurnar voru þróaðar með það að markmiði að nýta eiginleika lanólíns fyrir nútímalega vernd, smurningu og viðhald.
Með áframhaldandi þróun og prófunum hefur orðið til fjölbreytt vörulína sem er í dag notuð við fjölmörg verkefni og í ólíkum atvinnugreinum, meðal annars í bifreiðum, sjávariðnaði, landbúnaði, iðnaði, flutningum, orku og viðhaldi.
Náttúrulegur grunnur. Stöðug þróun.
ProLan heldur áfram að þróa vörurnar með þarfir notenda og krefjandi umhverfisaðstæður að leiðarljósi.
Markmiðið hefur frá upphafi verið skýrt:
Að skapa fjölhæfar og endingargóðar lausnir sem verja það sem skiptir máli.
ProLan á Íslandi
Þróað á Nýja-Sjálandi. Reynt við íslenskar aðstæður.
Íslenskt veðurfar gerir miklar kröfur til bifreiða, véla, tækja og málmhluta. Salt, raki, snjór, frost, sandur og síbreytilegt veður skapa krefjandi aðstæður fyrir málm og búnað.
Á Íslandi höfum við byggt upp reynslu af notkun ProLan við fjölbreyttar aðstæður. Vörurnar eru meðal annars notaðar við faglega ryðvarnarmeðferð bifreiða, í iðnaði, landbúnaði, sjávariðnaði, á vinnuvélum og við almennt viðhald véla og búnaðar.
Með réttu verklagi, vandlegum undirbúningi og réttu vöruvali er hægt að ná inn á viðkvæm svæði og mynda vörn þar sem hennar er mest þörf.
Markmiðið er einfalt
Að hjálpa þér að halda því sem þú átt í betra ástandi lengur.
Prófað fyrir raunverulegar aðstæður
ProLan-vörulínan er þróuð fyrir fjölbreytt notkunarsvið - allt frá matvælavinnslu, vatns- og veitukerfum og rafbúnaði yfir í bifreiðar, sjávariðnað, landbúnað, flutninga, vinnuvélar og iðnað.
Mismunandi vörur hafa mismunandi eiginleika, prófanir og samþykktir. Því er mikilvægt að velja rétta ProLan-vöru fyrir hvert verkefni og miða alltaf við tæknigögn og vottanir viðkomandi vöru.
NSF H1 | MPI C12/C15 | Eurofins Drinking Water | C4 | ISO | 70 kV | REACH | MOSH/MOAH | PFAS-frítt
Þróun sem heldur áfram
ProLan heldur áfram að þróa vörulínuna með áherslu á virkni, fjölhæfni og raunverulegar þarfir notenda - allt frá daglegu viðhaldi til sérhæfðra verkefna í iðnaði og atvinnulífi.
Hugmyndin á bak við ProLan
Vernd þarf ekki að vera flókin.
Við trúum því að góð vörn eigi að vera einföld í notkun, fjölhæf og hönnuð til að endast.
ProLan sameinar náttúrulegt lanólín og sérhæfða tækni til að bjóða upp á vörur sem hjálpa fólki og fyrirtækjum að verja ökutæki, vélar, búnað og málm gegn þeim þáttum sem valda sliti og tæringu.
Frá daglegu viðhaldi til krefjandi atvinnunotkunar er markmiðið alltaf það sama:
Að verja meira. Viðhalda betur. Láta hlutina endast lengur.
Lausnir fyrir þinn rekstur
Hvort sem þú rekur verkstæði, vinnur með vinnuvélar, ökutækjaflota, skip eða annan búnað sem þarf að verja, aðstoðum við þig við að finna réttu ProLan-lausnina fyrir þínar þarfir.
Hafðu samband við okkur og fáðu frekari upplýsingar um hvernig ProLan getur stuðlað að vernd, viðhaldi og lengri endingu véla, tækja og búnaðar í þínum rekstri.
