ProLan Medium 170

ProLan Medium 170 er þunn og mjög smjúgandi lanólínvörn fyrir tæringarvörn, smurningu og viðhald. Hún smýgur vel inn í yfirborðsryð, samskeyti, holrými og þröng svæði, hrindir frá sér raka og skilur eftir þunna, sveigjanlega og vaxkennda vörn. Medium hentar sérstaklega þar sem tæring er þegar farin að myndast og þar sem mikilvægt er að efnið nái inn að málmyfirborðinu. Varan má einnig nota sem þunna yfirborðsvörn og bón á viðeigandi flötum.

Helstu notkunarsvið:

Bifreiðar | Holrými | Ryðgaðir málmfletir | Vélar og tæki | Smurning og viðhald | Rafbúnaður | Sjávariðnaður | Landbúnaður | Iðnaður | Felgur og lakkaðir fletir

ProLan Medium 170

ProLan Heavy 270

ProLan Heavy Enduro 300

ProLan Extreme 350

ProLan Grease 450

Eiginleikar

Mikil smygni - vörn sem nær inn að málminum
ProLan Medium 170 er þynnsta og mest smjúgandi varan í ProLan-línunni. Hún er sérstaklega hentug þar sem mikilvægt er að efnið komist inn í yfirborðsryð, samskeyti, ójöfnur og þröng svæði þar sem raki og salt geta setið og tæring byrjað.

Medium smýgur inn í yfirborðið og nær inn í ryð sem þegar er farið að myndast. Þar hjálpar lanólínið til við að hrinda frá sér raka og breyta aðstæðunum við málminn þannig að umhverfið verði síður hagstætt fyrir áframhaldandi tæringu.

Eftir ásetningu skilur Medium eftir þunnt, sveigjanlegt og vaxkennt varnarlag. Það harðnar ekki í stífa húð heldur helst virkt á yfirborðinu og fylgir því betur eftir þegar málmurinn hreyfist eða hitastig breytist.

Þegar ryð er þegar byrjað
Þar sem ryð er þegar farið að myndast viljum við ekki einfaldlega leggja þykkt varnarlag yfir það. Fyrst þarf efni sem getur smogið inn í ryðið, samskeytin og ójöfnurnar og komist eins nálægt málmyfirborðinu og hægt er.

Þar kemur Medium 170 inn.

Á ryðguðum flötum fær Medium tíma til að smjúga inn og metta yfirborðið. Á meira ryðguðum svæðum getur þurft að bera efnið á aftur þar til yfirborðið hættir að taka við því á sama hátt.

Medium er því mjög mikilvægt fyrsta skref þegar unnið er með málm þar sem tæring er þegar hafin.

Samskeyti og svæði sem erfitt er að ná til
Vegna mikillar smygni hentar Medium sérstaklega vel fyrir:

samskeyti
þröng bil
ójöfnur í málmi
ryðgaða fleti
festingar
bolta og skrúfur
holrými
svæði þar sem þykkari vara nær ekki eins vel inn
málmhluta þar sem raki getur safnast fyrir

Medium getur þannig náð inn á staði þar sem þykkari ProLan-vörur vinna meira á og við yfirborðið.

Medium fer dýpra - þykkari vörurnar byggja vörnina upp
Medium 170 er fyrst og fremst valið þegar mikil smygni skiptir máli.

Heavy 270 er þykkara og vinnur meira á og við yfirborðið og veitir meiri smurningu og langvarandi vörn.

Heavy Enduro 300 og Extreme 350 eru síðan notuð þar sem þörf er á sterkari og slitsterkari ytri langtímavörn.

Þannig hefur hver ProLan-vara sitt hlutverk

Smurning, viðhald og yfirborðsvörn

Fjölhæf vara fyrir daglegt viðhald

Medium 170 er ekki eingöngu tæringarvörn.

Hún hefur einnig góða smureiginleika og hentar við fjölbreytt viðhald á vélum, tækjum og búnaði.

Medium má meðal annars nota á:

lamir
læsingar
keðjur
bolta og skrúfur
festingar
hreyfanlega vélarhluta
verkfæri
málmhluta
búnað sem hefur staðið ónotaður
hluti sem eru farnir að festast vegna ryðs eða raka

Medium smýgur inn á milli hluta og getur hjálpað til við að losa ryðgaðar eða stífar samsetningar á sama tíma og hún skilur eftir vernd.

Boltar, skrúfur og festingar

Medium hentar mjög vel til að verja bolta, skrúfur og aðrar festingar gegn raka og tæringu.

Við ryðvarnarvinnu notum við Medium meðal annars á skrúfur, bolta og festingar áður en hlutir eru settir saman aftur. Efnið nær inn í skrúfgengi og kringum málmfletina og skilur eftir þunna lanólínvörn.

Við notum Medium einnig inn í felgurær og tengda málmfleti, þar sem vatn og salt geta annars safnast fyrir.

Markmiðið er bæði að verja málminn og auðvelda framtíðarviðhald.

Bón og yfirborðsvörn

Medium 170 má bera mjög þunnt á viðeigandi lakkaða og slétta fleti og pússa yfir.

Lanólínið skilur þá eftir þunna, vaxkennda og vatnsfráhrindandi filmu sem ver yfirborðið og gefur því fallega áferð.

Medium hefur meðal annars verið notað sem:

bílabón
felgubón
yfirborðsvörn á málmi
vernd á viðeigandi lakkaða fleti
vernd á verkfærum og vélahlutum

Þetta er ein af áhugaverðari hliðum Medium. Sama vara sem getur smogið inn í ryð og samskeyti getur, þegar hún er borin mjög þunnt á og pússuð, einnig virkað sem vaxkennd yfirborðsvörn.

Plast og hlífðarhlutar

ProLan er einnig notað á ákveðna plastfleti þar sem það á við.

Lanólínlagið gerir yfirborðið sleipara og vatnsfráhrindandi og getur hjálpað til við að draga úr því að snjókrapi, salt, drulla og óhreinindi festist jafn auðveldlega við plastið.

Þetta getur verið sérstaklega gagnlegt á jeppum, vinnubílum og ökutækjum sem eru mikið notuð við vetraraðstæður.

Auðveldara viðhald og hreinsun

Á ákveðnum flötum getur ProLan einnig hjálpað til við að auðvelda þrif og viðhald þar sem óhreinindi eiga erfiðara með að ná sterkri festu við meðhöndlað yfirborð.

Það getur verið gagnlegt á vélum, verkfærum og búnaði sem verður reglulega fyrir drullu, salti, raka eða öðrum óhreinindum.

Mjallarbónið

ProLan Medium 170 og gamla Mjallarbónið

Margir Íslendingar muna eftir gamla Mjallarbóninu sem sérstaklega endingargóðu bílabóni. Gamla Mjallarbónið byggði á lanólíni og var þekkt fyrir að mynda sterka, vatnsfráhrindandi yfirborðsvörn.

Eldri útgáfur þess voru þó þykkar og tímafrekari í ásetningu en mörg nútímaleg bílabón.

ProLan Medium 170 er ekki kynnt sem gamla Mjallarbónið og við fullyrðum ekki að uppskriftirnar séu þær sömu.

Hins vegar eru áhugaverð líkindi í grunneiginleikum og notkun. Báðar vörurnar nýta eiginleika lanólíns, loða við yfirborð, hrinda frá sér raka og geta skilið eftir vaxkennda yfirborðsvörn.

ProLan Medium 170 er þó mun fjölhæfari vara en hefðbundið bílabón. Medium er ekki aðeins notað sem yfirborðsvörn heldur einnig fyrir:

tæringarvörn
smurningu
yfirborðsryð
samskeyti
holrými
festingar
vélar og tæki
fjölbreytt viðhald

Þess vegna er Medium bæði hægt að nota sem þunna og fágaða yfirborðsvörn og sem smjúgandi viðhalds- og tæringarvörn á allt annars konar búnað.

Notkunarsvið og ProLan-kerfið

Notað sem fyrsta lag þegar þörf er á mikilli smygni

Við faglega ryðvarnarmeðferð notum við Medium 170 fyrst á svæði þar sem ryð er til staðar eða þar sem mikilvægt er að efnið komist djúpt inn í yfirborðið.

Medium fær tíma til að smjúga inn í ryðið, samskeytin og ójöfnurnar og metta yfirborðið.

Þegar yfirborðið hefur tekið við Medium er síðan hægt að leggja Heavy Enduro 300 eða Extreme 350 yfir, eftir því hvaða svæði er verið að verja og hversu mikið álag það verður fyrir.

Þannig sameinum við mikla smygni Medium við sterkari ytri langtímavörn.

Í stærri lokuðum holrýmum, bitum og grindum er Heavy 270 almennt notað sem þykkari aðalvörn.

Rafmagnstengi og viðkvæmur búnaður

Medium getur einnig hentað þar sem þörf er á þunnri og smjúgandi rakavörn á viðeigandi málmtengingar og rafbúnað.

Þunna lagið og mikla smygnið geta verið gagnleg þar sem raki eða þétting kemst inn í tengingar og mikilvægt er að verja málmfleti gegn oxun og tæringu.

Þar sem þörf er á þykkari og langvarandi vörn á rafbúnaði er Heavy 270 oft betri kostur.

Helstu notkunarsvið

Bifreiðar - yfirborðsryð, samskeyti, festingar, boltar, skrúfur, felgur og viðhald.

Iðnaður - vélar, verkfæri, keðjur, festingar og málmhlutar.

Sjávariðnaður - búnaður sem verður fyrir raka, salti og sjávarlofti.

Landbúnaður - vélar, verkfæri, festingar og búnaður sem verður fyrir raka og áburði.

Vinnuvélar - smurning, tæringarvörn og viðhald á málmhlutum og tengingum.

Flutningar - ökutæki, eftirvagnar, festingar og búnaður sem verður fyrir veðri, raka og salti.

Heimili og garður - verkfæri, lamir, læsingar, garðbúnaður og málmhlutar.

Frístundir og áhugamál - reiðhjól, mótorhjól, veiðibúnaður, útivistarbúnaður, keðjur og verkfæri.

Bón og yfirborðsvörn - felgur, viðeigandi lakkaðir fletir og aðrir sléttir fletir þar sem óskað er eftir þunnri, vaxkenndri yfirborðsvörn.

Í stuttu máli

Medium 170 er varan sem við veljum þegar við viljum að vörnin nái inn í yfirborðið, ekki bara liggi utan á því.

Hún smýgur inn í ryð og samskeyti, hrindir frá sér raka, smyr og skilur eftir þunna lanólínvörn.

Þess vegna er Medium bæði mikilvæg sem sjálfstæð viðhaldsvara og sem fyrsta skref í stærra ProLan-varnarkerfi.

Location

ProLan Medium 170 – 500 ml Aerosol

4490

Lanólínbundið gegnumgangandi smurolíu og tæringarvörn með meðalþykkt fyrir viðhald, ryðvörn og langvarandi vernd.

Lesa Meira

Location

ProLan Medium 170- 1 litre

7100

ProLan Medium 170 er lanólínbundið smurolíu með meðalþykkt sem sígur inn og veitir vörn gegn tæringu, hannað fyrir almenna viðhaldsvinnu, smurningu og langvarandi ryðvörn. Það sígur djúpt inn í liði, þræði og erfiðlega aðgengileg svæði, ýtir raka út og myndar endingargóða verndarhúð gegn tæringu.

Lesa Meira

Location

ProLan Medium 170- 10 litre

62900

ProLan Medium 170 er lanólínbundið smurolíu með meðalþykkt sem gegndrýpur og veitir tæringarvörn, hannað fyrir faglega viðhaldsvinnu, smurningu og langvarandi ryðvörn. 10 lítra ílátið hentar vel verkstæðum, iðnaðar- og flotanum viðhaldi og stórum notkunarmagni. Það fer djúpt inn í lið, þræði og erfiðlega aðgengileg svæði, ýtir raka út og myndar endingargóða verndarhúð gegn tæringu.

Lesa Meira

Untitled - September 07, 2026 at 16.15.18-3 (19).png

Untitled - September 07, 2026 at 16.15.18-4.png